BON DIA Rumannan, awe mi a bini ku un bon idea pa nos drecha e UNION den e pueblo back riba tur nivel. Tur e kosnan ku a sosode entre nos tur ku ta dividi nos tur asina leu for di otro, nos mester trese union atrobe.

Entre nos ku nos mes, dor di projektonan asina. Luna pasa, i atrobe ayera mi a trese e projekto aki dilanti ku un bon amigu ku tambe ta den e deporte aki, ku ta basketball.

Hopi hende ku a sali for di e deporte aki ta bon ku otro y ta respeta otro semper, esei tabata e kustumber. I nos semper tabatin respekt pa otro pa e amor pa e wega di basketball.

Mi tambe a sali for di St. Thomas College, hunto ku hopi otro rumannan ku te ahinda nos ta bon ku otro, nos tur tabata tin e amor pa e deporte i pa otro. Si nos tabata uni ku otro. Kada barrio ku tabata tin un kancha, equipo nan y hobennan a organisa nan mes, i sigui desaroya nan habilidatnan. Mi ta korda Divi Divi, Janwe, Mundo Nobo i hopi bario ku nan mes a lanta nan equiponan. I nos ta bataja riba kancha kontra di otro. I si nos tabata tin problema ku otro nos ta solutionele one on one ku otro.

Hungadornan manera: governor Frits Goedgedrag, Stanley Betrian, Orell Zimmerman, Angelo Virgini (Radio Hoyer), Lala Zimmerman, Empy Donker, (Django) Kenneth Labordus, Johnny Minguel, Zaida y Dichi, Yvette Kuster, Maria Liberia Peters, Ronald Wederfoort, Cedric Mamber, Poei, Erwin Kook, Renny Emeresiana, rumannan Hernandez, Boycke Kuster, Herbert i su ruman Camero, Roque Bernadina, Weis De Jong, Papy Lebacks, Ruben Minguel, Celsio Pablo, Percy De Lima, i hopi otronan ku mi no por korda nan nomber.

Pero mi por garantisa ku tin alredor di 100 of mas ku tabata den e deporte aki ku nan a stima hopi, I ku nan amor pa e deporte tei ahinda. Kada uno di nos tin nos historia den e deporte aki, kiko i kon e la yuda nos mental fysiko y spiritualmente.

Manera mi a splika kaba mi ta kere ku e projekto aki por yuda nos isla trese back e union, ku semper tabata tei, ku nos a lubida i no a sigui mantene su nivel. I dor di e projekto aki por organisa torneonan riba tur nivel, kontra di otro manera pa skol, organisashon, bario i hopi otro nivelnan i gruponan, i mi ta kere si nos tur yuda y pone nos pensamentu positivo nos hunto por hasi e projekto aki un exito, i despues di 19 oktober 2012 nos por husele pa kura nos mes i pa trese union back den nos pueblo, i tambe pa e muchanan ku ta lanta, ya nan por tin un kos pa nan tene nan mes bezig. Si no tabata pa St. Thomas College basketball su tereno hopi di nos lo no ta unda nos ta awor.

Enfin manera mi a bisa mi tabata den contacto ku Roque Bernadina i mi a kontele di e projekto aki i ela hanele masha bon mes, i mi sa ku hopi di bosnan ku tabata den e deporte aki bosnan tambe lo duna bosnan aporte, esei mi sa.

E plan a keda ku nos lo reunie y hasi un lista di tur e hendenan ku ta interesa di yuda i hasi un brainstorm i pone tur kos riba papel kon nos por kuminsa e projekto aki mas liher posibel. E mester ta un KOS DI PUEBLO PA PUEBLO.

Frits Goedgedrag ku Stanley Betrian i hopi otro mas, nos tabata interkambia tambe weganan di basket kontra di otronan na e veld di police. E union den e hungador semper tei na e wega di basketball. Tin biaha hende no ta kompronde ku tin relashon di deportista ku otro ku nos semper ta husa, Pa yuda otro pasombra bo konose e persona riba kancha di basketball. Ami mes tur mi amigonan di basketball te ahinda mi ta bon ku nan tur, i lo mi hasi tur kos pa nan pasombra nan ta meskos ku un ruman pami.

Enfin pasa un bon dia, i mi ta spera ku e projekto aki lo kristalisa.

RONALD WEDERFOORT

Curaçao