MINISTER-PRESIDENTE i parlamentarionan, a bira tempu pa mas rapido posibel pa bosnan traha un screening pa personanan por drenta nos parlamento. Ata un ehempel aki.

Tur politiko ku hasi su mes kulpabel na lo siguiente den publiko,

no por drenta of ta den parlamento di Kòrsou.

1- Personanan ku ta krea bòmbòshi, fomenta violensia, krea rabia, humia of insulta hende den

publiko, lastra nomber di hende, et cetera.

2- Difamá of falta respet di nos Gobernador.

3- Deskriminá hende pa nan sekso, rasa, grupo etniko, religion.

4- Difamá Kòrsou den eksterior.

Si esaki logra, nos por bolbe kuminsá eduka nos hobenan i kuminsá sivilisá un parti di nos pueblo.

Tin hende ku ta pertenese den un partido, ku mente korupto masha peligroso ku ta husa mafia pa manda mensahe via selular pa pueblo.

Tur hende ta riba’bou pa sa ta kon e mafianan aki ta logra haña number priva di e usarionan di telefon. Tristu, ku ya kaba e mafianan aki tin nos kosnan priva manera e paisnan komunista/totalitario.

E hendenan aki tambe mester investigá i tene nan for di nos parlamento.

Danki di antemano,

ROGELIO CHIRINO

Curaçao