KU MI no por laga di ta preokupá

Pa futuro di mi isla stimá

Riba distansha m’a hañami ta observá

Kon poko poko nan ta kabando ku mi lugá

Pushá den tur banda i direkshon

Awo mas ku nunka tempu di elekshon.

Bombardiá ku yen ideologia i opinion

Na final di dia ken ta malu i ken ta bon?

Ignorante, konfundí of ta simplemente siegu nos ta

Ku ketubai nos ta kere den e promesanan falsu ku nan ta propagandá?

Disfrasá mane profeta, nan ta kana proklamá

di ta e kambio tan sperá

pero karekterisá pa politika barata i plega pa poder

nan ta lubida nan promesa i deber

Komprondemi bon

Mi no ta bringa pa niun kolo politiko

Simplemente mi ta boga pa ban diskuti a base di kontenido i no emoshon

Ban vota, ban vota pa bienestar di nos nashon!

NAJOLA MARTINA

Nederland