De Amigoe behoudt zich het recht voor ingezonden brieven te weigeren, te corrigeren of anderzins redactioneel te bewerken en in te korten. Brieven, die maximaal 600 woorden mogen bevatten, moeten zijn voorzien van naam en woonplaats. Het adres en telefoonnummer worden niet gepubliceerd, maar zijn nodig ter verificatie. Gelieve brieven te sturen naar redactie@amigoe.com.

Home Ingezonden Ingezonden Mal ehèmpel
Mal ehèmpel PDF Afdrukken E-mail
vrijdag, 25 januari 2013 06:42

ORA MI sinta, pensa i mira atras, kompará tempu di ántes i awor mi ta yega na un solo konklushon, esta ku tempu a kambia, anto hopi. No...... tòg no, e tempu a keda mesun kos. Ta hende a kambia nan sistema, nan proseder, nan komportashon. Awor ku mi ta forma parti di e grupo grandi di 60 plùs, mi ta tribi di bisa esaki na boka grandi.

Bo tambe ta den mi grupo? Wèl si ta asina, djòin mi un ratu den e biahe pa nos infansia, tempu ku nos tabata yòn ku kurpa, alma i kurason, pasombra awor nos ta solamente yòn den kurason y pensamentu.

 

Ta masha probabel, ku aparte di ta tata òf mama, bo a bira opa òf oma tambe. Awor bo ta disponé di un bista muchu mas grandi riba bida, bo tin muchu mas eksperensia, ku bo ta sintibo yamá pa koregí òf konsehá situashonnan rondó di bo sernan kerí.

I ta netamente aki mi kier para ketu un ratu. Realmente nos ta hasi esaki? Éf nos mes ta esunnan ku mester di wòrdu koregí? Adulto mayor, opa, oma, tanta, tio grandi ku ta faya en grandi lagando mal ehèmpel atras pa nos yunan i òf nietunan.

 

Mi ta papia aki riba teritorio mundial i no ta keda pues solamente lokal. Notisianan internashonal ta mustra nos ku e grupo grandi aki di ‘pelo gris’ inkreiblemente a ahustá nan mes masha kómodo ku e grupo di hóben den krímen i tur otro kos negativo ku bo por imaginá, lagando e enkargo mes ku nan mester tin pa guia i manehá e hóbennan kai na suela.

 

Lagami ilustrábo algun ehèmpel, asina bo ta komprondémi mehor mi ta kere.

Opa, oma, tanta i tio grandi ta aparesé di bui den korant rumbo pa enkarselashon pa motibu di violashon di leinan riba tereno di droga, arma di kandela, violashon, maltrato severo, uso eksesivo di alkohòl et cetera. Adultonan senior ta kana rònt ku bòshi piercing, tatuahe òf ta bisti hopi sunú den públiko. E 60 plusnan tin baisait ku yu pafó di matrimonio ku hóbennan ku tin edat di nan propio yu’i mayor. E lista aki lo bira demasiado largu mihó mi keda te aki.

 

Kiko e komportashon aki ta nifiká pa e generashon hóben ku ta lantando? Nan ta haya e mal ehèmpel grátis serka nos. Kiko nos por bisa ora e hóbennan faya ku nan komportashon? Ku ta nan so ta kulpabel pa nan desviashon? Éf nos mester apuntá e dede akusatorio riba nos mes promé? Mi kier sa e último ta keda vigente. Jammer hopi jammer ku nos adulto senior ta faya di e forma aki.

 

Pero ainda no ta lat pa drecha loke nos tur a yuda daña. Mea kulpa, mea maksimá kulpa. Mehor lat ku nunka. Mi kier sintimi kómodo den mi grupo di 60 plùs i no kier sinti ningun bèrgwensa di un òf otro komportashon desviante.

Bo ta yudami?

 

IDO STEEN

Curaçao