De Amigoe behoudt zich het recht voor ingezonden brieven te weigeren, te corrigeren of anderzins redactioneel te bewerken en in te korten. Brieven, die maximaal 600 woorden mogen bevatten, moeten zijn voorzien van naam en woonplaats. Het adres en telefoonnummer worden niet gepubliceerd, maar zijn nodig ter verificatie. Gelieve brieven te sturen naar redactie@amigoe.com.

Home Ingezonden Ingezonden Landfill Festival Center
Landfill Festival Center PDF Afdrukken E-mail
vrijdag, 25 januari 2013 06:42

E DIANAN aki nos tur ku ta stima tumba ta selebrando e festival aki den Festival Center. Tur hende ta gosando di e ambiente. Tin ku bisa ku den Festival Center tur kos ta nechi drechá i e stage sigur ta un plaser pa mira. Den e aspekto ei tur kos ta A1.

Pero na momentu ku bo mester disidí di pone bo outo tras di Festival Center i kana bai entrada di e lokalidat aki kosnan ta kambia drástikamente. E promé dia ku mi a pone mi outo banda di Wasserij Kòrsou i kana bai Festival Center un holó desagradabel a dal mi kanando den e kaya tras di e muraya di Festival Center. Komo tabata hopi suku mi no por a mira e kosnan bon ku tabata tin benta riba e kaya ei. Na e holó tabata opvio ku un o mas persona a benta bestia morto den e mondi tras di e muraya.

Mi a disidí awe mainta pa bai wak ta kiko tur e kosnan ku tin benta den e kaya tras di e muraya di Festival Center i keremi, kasi mi kurason por a para di mira tantu sushedat asina. Kama bieu, airco, wasmashin i masha hopi kos mes benta links en rechts. Ta parse ku nos pueblo a pèrdè tur noshon di desensia i no ta importá nan nada pa benda na porkaria unda ku ta. E kos di mas tristu ta ku awe ta limpia i mayan ya kaba tin hende sin eskrúpolo ta bolbe susha e logá. Ta parse ku e trabou pa limpia nos pais a bira un guera pèrdí.

E kos mas tristu ta ku esun ku tin ku aktua ta KETU i dia pa dia nos isla ta bira mas sushi. Ta bira ora pa aktua ku man duru ku esunnan ku no ta stima e lugá aki.

Tira un bista riba e potrètnan i mira kon e pafó di Festival Center a bira landfill Festival Center.

 

ANTHONY HAILE

Curaçao