De Amigoe behoudt zich het recht voor ingezonden brieven te weigeren, te corrigeren of anderzins redactioneel te bewerken en in te korten. Brieven, die maximaal 600 woorden mogen bevatten, moeten zijn voorzien van naam en woonplaats. Het adres en telefoonnummer worden niet gepubliceerd, maar zijn nodig ter verificatie. Gelieve brieven te sturen naar redactie@amigoe.com.

Home Ingezonden Ingezonden Hopi bario no tin abri
Hopi bario no tin abri PDF Afdrukken E-mail
maandag, 28 januari 2013 08:35

HABITANTENAN KU ta biba pafó di sentro di suidat den hopi kaso ta konfrontá ku e echo ku no tin “abri” na paradanan di bùs ku ta pone ku nan tin ku para den un higra di solo warda bus òf konvoi ku tin biaha pa kolmo ta keda sin pasa.

Otro punto di atenshon ta ku tin biaha e sitio ta asina pèrtá ku ta pa algun hende so tin kaminda di para. Tin di e paradanan aki tin mondi òf roi nan tras ku ta hasi imposibel pa pone un abri. Tin lokalidat kaminda e parada di bùs ta poné na un sitio sumamente peligroso. Por ehèmpel tin abri pone nèt den un bògt ku e peliger di un aksidente envolviendo esnan ku ta para warda bùs.

Hopi sitio kaminda tin paradanan di bùs no ta egalisa tampoko. Un hende ku sapatu hilchi haltu por ehèmpel tin problema pa para warda bus na e sitio aki. Mester drecha alabes e alsera riba Rondeklipweg pa hendenan kana na drechi.

Tin hopi di e kamindanan aki no tin iluminashon ku den e tempunan aki ta un prekupashon despues di seis or. Ta bon tambe pa na kada un di e paradanan di bùs aki pone un baki di sushi.

Pa ilustrá e puntonan ariba menshoná: e kaminda di Erosweg siguí pa Rondeklipweg ta 3 kilometer largu i e tin 14 parada di bùs kaminda un so tin un abri i pa kolmo den un bògt masha peligroso. A kap un palu ku habitantenan tabata para warda bùs bou di dje i awor no tin nada mas pa tapa un tiki solo.

Un kos tambe ku ta hasi falta na e paradanan di bùs ta un bòrchi ku ta bisa ki ora e konvoi ta pasa.

Na krusadanan Cas Coraweg/Erosweg i Erosweg/Jongbloedweg mester pone iluminashon, i tambe drecha e asfalt riba e krusadanan ku ta den un situashon hopi malu. Dor ku e iluminashon no ta sufisiente kada bes outo ta dal den e bòrchinan di tráfiko mei mei di kaminda .

 

 

EDGAR LEITO

Curaçao