De Amigoe behoudt zich het recht voor ingezonden brieven te weigeren, te corrigeren of anderzins redactioneel te bewerken en in te korten. Brieven, die maximaal 600 woorden mogen bevatten, moeten zijn voorzien van naam en woonplaats. Het adres en telefoonnummer worden niet gepubliceerd, maar zijn nodig ter verificatie. Gelieve brieven te sturen naar redactie@amigoe.com.

Home Ingezonden Ingezonden Minister Whiteman méster haña mas tempu
Minister Whiteman méster haña mas tempu PDF Afdrukken E-mail
donderdag, 21 februari 2013 06:56

MI A keda babuká na momentu ku djaluna 18 di febrüari 2013 mi a skucha sr. Humprey Davelaar, parlamentario, bisa ku konstrukshon di hòspital nobo mester ta den man di Sehos. Mestér ta bon konosí pa un i tur ku algun aña pasá Sehos, gobièrnu di Kòrsou i e asosashon di speshalistanan médiko, a firma un akuerdo den kual ta ser menshoná ku Sehos lo bai trèk e konstrukshon di e hòspital nobo.

Despues ku seis luna a pasa i ku Sehos no a hasi nada den direkshon di e loke a ser konfirmá den e akuerdo, Davelaar ku e tempu ei tabata diputado di salubridat públiko, ku konsentimentu di speshalistanan médiko a hala aden e akuerdo. Despues di esaki a start ku e trayekto di un hòspital ‘a la Deventer’ na Piscadera.

E mésun persona aki den su funshon di diputado di salubridat públiko a kibra e akuerdo entre aktornan di sektor di kuido di salú, pa traha e hòspital nobo riba tereno di St. Thomas College i terenonan den bisendario. Si e tabata konsistente den su maneho anto ya a kuminsa traha e hòspital nobo riba tereno di St. Thomas College. Aworaki el a dal un buelta di 180 grado i bai bèk pa e akuerdo ku e mes a kibra algun aña pasá. Aworaki Sehos ta boga pa nan bai trèk e konstrukshon di e hòspital nobo. Nan mes a bai drumi despues di a firma e akuerdo ku gobièrnu insular i speshalistanan médiko. Ademas mi ta di opinion ku Sehos no tin e medionan finansiero, kapasidat organisatorio i di maneho ni e ‘manpower’ pa trèk un proyekto asina grandi i kompliká. Ora e diputado a hala’den e akuerdo ku Sehos mi a traha un nota kòrtiku ku a bai pa Raad voor de Volksgezondheid, gobièrnu insular di Kórsou i Sehos. Den e nota aki mi a duna mi komentario manera aki riba menshoná i a sugerí pa bini ku un entidat ku tin algun hende ku tin konosementu di e materia, ku ta bai trèk e proyekto Ta p’esei mi ta di akuerdo ku e konstrukshon den kual Usona a fungi komo esun ku ta trèk e proyekto pa konstruí e hóspital nobo.

Pa konkluí mi ke trese dilanti ku a base di e eksperenshanan ariba menshoná mi ta hasi un yamada riba profeshonalnan den kuido di salú pa bini ku un resolushon den kual aktornan den sektor di kuido di salú ta urgi parlamentu di Kórsou pa mantene minister Bernhard (Ben) Whiteman te por lo menos na momentu ku kuminsa traha e hòspital nobo. Minister Whiteman ta bon konosí ku e materia i konsekuentemente ta e hende apropiá pa sigui duna guía i finalisá e trayekto di kunstrukshon di e hòspital nobo. Obviamente ta keda na polítikonan si minister Ben Whiteman ta keda despues di e seis luna ku a palabrá ku e gobièrnu aki lo sinta. Pa e motibu aki un resolushon for di seno di profeshonalnan den sektor di kuido di salú ta di sumo importansha.

 

FELIX D. PINEDO,

(penshonado di Sehos)

Curaçao